A escola municipal de música tradicional de Sarreaus nace promovida polo Concello de Sarreaus no 2026, xunto coa loxística da escola Seisporoito e baixo a dirección de Artur Puga. Esta iniciativa innovadora e proxectada para a protección, ensino e difusión da música patrimonial galega. Este proxecto continua as tendencias actuais da ensinanza artística sen esquecer a importancia de dar e ofrecer servizos e actividades ao rural.
Somos unha plataforma educativa de carácter municipal que ten por obxectivos o achegamento e acceso universal a música e baile por parte da cidadanía, sexa cal sexa o nivel do que parta así como acoller alumnado que busque profesionalizarse no sector da maneira que sexa.
A escola conta con Xan Pérez e Artur Puga como docentes, dous mestres de contrastada traxectoria tanto no ensino coma no panorama escénico e que imparten polo momento 3 especialidades musicais:
Canto Popular, Gaita e Percusión
O plan de estudos está pensado para acoller e acompañar ao alumnado no momento formativo que se atopen e demanden sen deixar de lado a importancia dos procesos de aprendizaxe grupais da nosa música.
Regulamento:
A Lei Orgánica 1/1990, do 3 de outubro, da ordenación xeral do sistema educativo (LOXSE), estableceu un cambio esencial para as ensinanzas artísticas. O artigo 39.5 desta lei establece que poderán cursarse en escolas específicas, sen limitación de idade, estudios de música que non conducirán á obtención de títulos con validez académica e profesional.
Posteriormente a Lei Orgánica 2/2006, do 3 de maio, da Educación (LOE). Deroga as Leis educativas anteriores e establece no seu Capitulo VI “Enseñanzas Artísticas”, Articulo 48 Organización, apartado 3 que “con independencia do establecido nos apartados anteriores poderán cursarse estudos de música ou danza que non conduzan a obtención de títulos con validez académica ou profesional en escolas específicas, con organización e estructura diferentes e sen limitación de idade. Estas escolas serán reguladas polas administracións educativas”.
A Orde do 11 de marzo de 1993 (DOG, 22 de abril de 1993), regula o desenvolvemento e define as finalidades, obxectivos, ensinanzas, e condicións para o funcionamento das escolas de música na Comunidade Autónoma de Galicia, sinala que estas deben adicarse a formación de afeccionados (ensino instrumental, música en grupo, …). Recollese nesta Orde a especial responsabilidade das corporacións locais nesta materia.